2017 оноос эхлэн "Эрдэмт" ТББ-ын дэргэд орчуулгын ном бүтээл эрхлэн гаргагч редакц байгуулагдан ажиллаж эхэлсэн бөгөөд 2020 онд "Эрдэмт паблишинг" ХХК болон өргөжжээ.

2022 онд "Нахиа" хүүхдийн номын редакцыг эгнээндээ нэгтгэн, хүүхдийн ном, тэр дундаа уран зохиолоор дамжуулж бусдыг ойлгох, төсөөлөн бодох, хорвоо ертөнцийг танин мэдэх хэрэгцээнд нь хувь нэмрээ оруулж байна. Бид бүх насныханд зориулсан уран зохиол, баримтат болон хүүхдийн номуудыг эрхлэн гаргахдаа зохиолчийн шинэлэг санаа, давтагдашгүй шинж чанар, монгол хүний оюуны хэрэгцээг чухалчилж бүтээлийг сонгодог билээ.